Afmælisbarn dagsins

Það er svo fallegt veður úti. Þrátt fyrir nokkra vöntun á "bloggi" undanfarið finnst mér nauðsynlegt að tala um náttúruna og veðrið. Það er fátt eins hreinsandi og mannbætandi og það að ganga um Leirvoginn á heiðskíru kvöldi. Helst að garg í kríum spilli hinu rómantíska kvöldi, en ég reyni þó að leiða að hjá mér. Ég á án efa eftir að sakna íslenskrar náttúru þegar ég dvelst í Þýskalandi. Það verður skrýtið að hafa ekki Esjuna og Úlfarsfellið í kringum sig, og anda að sér tæru íslensku lofti. En Þýskaland er fallegt land, svo ég græt þetta ekki.

Vonandi verður svo fallegt veður á morgun, því við í vinnunni ætlum að grilla og spila knattspyrnu.

Afmælisbarn dagsins í dag er Gerald Ford, fyrrverandi forseti og varaforseti Bandaríkjanna. Hann er 92 ára í dag og ég óska honum til hamingju með daginn.

Bonam noctem, popule.