Schola Reykjavicensis

Jæja, loksins er MR að byrja aftur. Ég hætti í bæjarvinnunni í gær og bíð nú spenntur eftir því að hefja nám á ný. Það er ár síðan ég sat þar á skólabekk og ég hlakka mjög til að hitta allt þetta frábæra fólk aftur. Nú þarf maður að hendast niður í bæ og hefja bókakaup, því ekki get ég mætt bóklaus í skólann.Verzt hve skólabækur eru dýrar á Fróni, buddan tæmist óðum. Það verður samt varla sagt að pengingum í latínu- og grískubækur sé illa eytt, enda mikil vizka fólgin í þeim.

Talandi um vizku, ég var hæstánægður að sjá að hvorki meiri né minna en 17 spakir og hyggnir MR-ingar eru skráðir á fornmáladeild I í vetur.Venjulega hefur sú braut ekki notið mikillar hylli meðal nemenda, en það hefur svo sannarlega orðið breyting þar á. Við skulum bara vona að einkunnir mínar í fornmálunum verði þokkalegar, svo ég verði þeirri braut til sóma.

Over and out í bili, bókakaupin bíða.

p.s. Lítill skógarþröstur flaug á Glúfjrastein þegar ég var að vinna þar í gær og dó. Hvíl í friði,litli fugl.